ՅՊԲ քահանայապետի երբեմնի բանբեր` Նավառօ Վալս յայտնեց թէ Քահանայապետը տեղեակ էր որ
Պերլինի պատը պիտի փլուզուէր։
(Ռ.Վ. 7 նոյեմբեր 2014) ''Պատմաբանները միահամուռ կը վկայեն որ երջանկայիշատակ
Յովհաննէս Պօղոս Բ Քահանայապետը ամէնէն աւելի սատարեց Պերլինի պատին փլուզումին (9 Նոյեմբեր
1989՚) ու սովետական միութեան քայքայումին'' ըսաւ ՅՊԲ-ի երբեմնի բանբեր ու Ս. Աթոռի մամլոյ
երբեմնի գրասենեակի տնօրէն` տոքթ. Նավառօ Վալսը Ռատիովատիկանի հետ ունեցած մէկ ելոյթի
մը ընթացքին։ Երբ յետադարձ ակնարկ մը կը կատարենք պատմութեան, կ՛անդրադառնանք թէ
այդ դէպքը միայն քաղաքական ծաւալ չունեցաւ այլ լոկ մարդկայնական, եւ զարմանալին այն է
որ այդ վիթխարի յեղաշրջումը տեղի ունեցաւ առանց արիւնահեղութեան։ Ս. Պետրոսի գահին
վրայ բարձրանալուն եւ Լեհաստան կատարած առաջին առաքելական ճամբորդութեան ընթացքին (1979-ին)
ՅՊԲ Քահանայապետը ըսած էր որ ընկերվարութիւնը մարդաբանական մեծագոյն սխալը գործեց, որովհետեւ
սխալ տեսութիւն մը ունէր մարդուն մասին։ Քահանայապետին այս մօտեցումը լաւ հասկցուած էր
արեւելեան Եւրոպայի ժողովուրդներէն։ Միքայէլ Կորպաչով անձամբ հաստատած է որ առանց ՅՊԲ
Քահանայապետի աշխատանքին, ներկայութեան ու անոր խօսքերուն կարելի չէ հասկնալ այն ինչ
որ պատահեցաւ այն տարիներուն Եւրոպայի մէջ եւ մասնաւորապէս 1989-ին։ Պրանտպուրկոյի
դուռին առջեւ արտասանած յուզիչ ճառին մէջՅՊԲ Քահանայապետը յաճախ ընդգծեց ու շեշտեց
''ազատութիւն եւ ճշմարտութիւն'' երկու բառերը։ Եթէ մարդ էակին կարելիութիւն տրուած է
ազատ ըլլալ ու վճիռ առնել, որովհետեւ ան ի վիճակի է ճանչնալ ճշմարտութիւնը, հետեւաբար
անոր հիման վրայ է որ մարդ էակը կարող է վճռել ու ներգործել։ Մինչ ընկերվարութեան մէջ
այս տեսութիւնը բոլորովին նորութիւն է, որովհետեւ իրական ընկերվարութիւնը կազմակերպուած
է սուտի կայսրութեան վրայ։